楽壽司 (已結業)

上個月做得太辛苦，出咗糧決定食餐好嘅，順便慶祝埋家姐生日，上網見到呢間餐廳質素好好，不過夜晚食就會貴啲，所以我哋就決定lunch去試吓上到餐廳感覺高級，樓底好高，卡位非常闊坐落好舒服。今次我哋決定食好啲，叫咗一個午餐有六款刺身+6件壽司，先來2款前菜開開胃Lunch set 好豐富，有真調魚，池魚，蟹肉羔，處女蠔，深海池魚，帶子柴菜，介蝦，銀雪魚bb，銀輪魚等等，全部都好新鮮。刺身厚切，食落特別有口感，全部都好鮮甜好好味，而且壽司飯都係用茶漬整，唔會就咁用普通白醋飯咁悶。刺身啖啖肉，好肥美，真係款款都好鮮甜，太正啦食完後仲送上湯同蒸蛋，蛋好香好滑，湯非常濃郁，好好飲，食完真心覺得原來咁食都好飽架喎，真係滿足。最後竟然仲有雪糕，有我最鐘意的芝麻味同家姐至愛綠茶，我同家姐都好滿意，家姐仲話下次我生日請我食呢度既omakase 添，哈，家姐萬歲😂😂