浦和日本料理 (已結業)

今日行行下荃灣想食放題,見到附近有,又有清酒梅酒好似好抵就坐底, 點知中伏。第一樣上嘅食物係刺身, 無叫魚，但上咗幾片,送2隻蝦。本來見到賣相好似唔錯,一食, 三文魚同魚都無味, 蝦我好一般,螺同象拔蚌就無咩特別。熟食都唔係好食, 芝士年糕似香口膠;一口牛11成熟,好鞋好un;其他食物都唔係好記得,只係整體嘅味道都令人無食慾。我同朋友食咗一個鐘唔夠已經完全無加單嘅衝動。整體嚟講, 係食過裡面比較差嘅放題。服務方面, 大部分侍應都無表情,得一個紅髮哥哥仔好啲,有啲笑容會問下啲嘢到齊未。唔推薦嘅一間放題,唔好食係好有口德嘅一個講法,老實講,係有啲難食。