一本‧串里 (已結業)

今次晚餐只係嗌咗刺身同一個炒飯，已經覺得呢間店舖嘅質素係相當唔錯。💯💯我哋嗌咗嘅係呢個雜錦刺身（26片）有三文魚6片、北寄貝4片、八爪魚4片、大甜蝦4隻、鮮帶子4片、油甘魚4片。想特別講下油甘魚，每一塊嘅厚度都唔會太薄，食落淡淡甘甜，每口都充斥魚油香氣，有種清爽口感。仲有帶子同樣非常大隻，鮮味得黎好甘甜，食落唔會有韌嘅感覺。而甜蝦有種潤韌食感，係鮮甜嘅味道。💯海膽蛋白帶子炒飯都係值得一試嘅炒飯。啲飯炒得幾乾身粒粒分明。熟咗嘅三文魚亦都係好惹味，撈埋蛋白一齊食就增添口感。