影片
更多
2019-02-02
106 瀏覽
平日出街最鍾意周圍lunch set食，可以用好抵的價錢輕嚐特別菜式。由於我真係好鐘意食日本野，出尖沙咀一定沒錯啦。間餐廳開張時間尚短加上係樓上舖，OL又或好似我咁網上睇過review黎既人比較多。Menu中低價選擇的炎海丼$88，連三款小吃。雖然係比較平既set，材料性價比遠遠超過呢個價呀！炎海丼係一個火炙刺身飯，有北海道帶子，三文魚同劍魚。亦附有兩片海膽、醃三文魚籽、漬梅。火炙過的刺身滿滿油香，表層帶些少焦香，對於女仔黎講仲有個處就係無咁生冷。 這碗丼飯我偏好:劍魚>帶子>海膽>三文魚>三文魚籽。劍魚用既部位係厚切魚腩，出去食兩件至少要$40。半燒熟左都好滑， 新鮮的程度可以同高級日本餐廳比，入口甘香。帶子唔只甜仲有佢本來的帶子鮮味，最重要無雪味腥味。一粒有兩節手指般大，真係好滿足。Lunch set包含芝麻醬沙律，正正常常，但另一道迷你沙律就好出色。我形容佢為三文魚青瓜沙律，熟三文魚塊加洋蔥粒同青瓜薄片整成的沙律送飯正呀。午市加$5就有飲品，或者加$20可以換三串串燒。多春魚BBQ時最難控制火喉，朋友話好食唔太乾。旁邊的牛肋肉結實，係當中最濃味的。
平日出街最鍾意周圍lunch set食，可以用好抵的價錢輕嚐特別菜式。由於我真係好鐘意食日本野，出尖沙咀一定沒錯啦。
間餐廳開張時間尚短加上係樓上舖，OL又或好似我咁網上睇過review黎既人比較多。
Menu中低價選擇的炎海丼$88，連三款小吃。雖然係比較平既set，材料性價比遠遠超過呢個價呀！
炎海丼係一個火炙刺身飯，有北海道帶子，三文魚同劍魚。亦附有兩片海膽、醃三文魚籽、漬梅。
火炙過的刺身滿滿油香，表層帶些少焦香，對於女仔黎講仲有個處就係無咁生冷。 這碗丼飯我偏好:劍魚>帶子>海膽>三文魚>三文魚籽。
劍魚用既部位係厚切魚腩，出去食兩件至少要$40。半燒熟左都好滑， 新鮮的程度可以同高級日本餐廳比，入口甘香。
帶子唔只甜仲有佢本來的帶子鮮味，最重要無雪味腥味。一粒有兩節手指般大，真係好滿足。
Lunch set包含芝麻醬沙律，正正常常，但另一道迷你沙律就好出色。我形容佢為三文魚青瓜沙律，熟三文魚塊加洋蔥粒同青瓜薄片整成的沙律送飯正呀。
午市加$5就有飲品，或者加$20可以換三串串燒。多春魚BBQ時最難控制火喉，朋友話好食唔太乾。旁邊的牛肋肉結實，係當中最濃味的。
必食燒豆腐，臭豆腐的脆皮但就用唔臭既滑豆腐，份量合理。至於燒白蘑菇一咬爆汁，但調味就淡左一點。
朋友點既特上三色丼多左油甘魚同吞拿魚蓉，一樣有海膽、劍魚、三文魚。魚生片都好靚，油甘魚更加係雪白剔透。據朋友所講，海膽仲表面的紋理好清晰，入口唔腥不錯。
整體環境坐得好舒服，樓上舖租金壓力細少少食物質素都相應更好。我既刺身食本來都有9件魚生，加埋味噌湯串燒等等，飽到食唔哂呢。
張貼
