影片
更多
2021-05-29
1887 瀏覽
❀ jean may #灣仔 ❀❗️剛開張至今仍人氣爆燈 粉綠色法國小餐館❗️——————————————————位於灣仔小巷內，一間人氣爆燈嘅法國小餐館🔥剛開張至今經常爆滿，Book位大約要預早成個月(可以WhatsApp book位)。餐廳用咗清新嘅粉綠色裝修，非常奪目，內裏裝修簡約純樸，主要用木嘅家具，有種法國小家庭嘅感覺，餐廳嘅名稱亦係已店主嫲嫲為名✨亦吻合餐廳食品嘅路線，主打簡單、相對平民價錢嘅法國菜。.✷𝑀𝑒𝓃𝓊✷☞ 麵包同大部份較高級嘅西餐一樣，會預先上麵包。呢度提供嘅係經典法包🥖口感唔會太硬，而且麵粉香氣好重。加埋奶香十足嘅牛油一齊食唔錯。. ☞ Crispy Ox Tongue $56 (4.2/5)當日special，價錢逐件逐件計。我哋嗌左一件試吓，味道口感其實好似炸豬扒，不過牛脷就更加淋，而且更有油香。配上佢嘅香草醬，係幾好食！不過我覺得貴咗少少🤏。.☞ Steak Tartare $178 (4/5)個個必點嘅菜式，加入左啲醃酸瓜，同埋橙黃色嘅蛋黃，一睇樣就知係呢間餐廳出品。都係嗰句，Tartare係我心目中都係一道經典但係味道變化唔會太大嘅菜式，好少會好難食🙈。
❗️剛開張至今仍人氣爆燈 粉綠色法國小餐館❗️
——————————————————
位於灣仔小巷內，一間人氣爆燈嘅法國小餐館🔥剛開張至今經常爆滿，Book位大約要預早成個月(可以WhatsApp book位)。餐廳用咗清新嘅粉綠色裝修，非常奪目，內裏裝修簡約純樸，主要用木嘅家具，有種法國小家庭嘅感覺，餐廳嘅名稱亦係已店主嫲嫲為名✨亦吻合餐廳食品嘅路線，主打簡單、相對平民價錢嘅法國菜。
.
✷𝑀𝑒𝓃𝓊✷
☞ 麵包
同大部份較高級嘅西餐一樣，會預先上麵包。
呢度提供嘅係經典法包🥖口感唔會太硬，而且麵粉香氣好重。
加埋奶香十足嘅牛油一齊食唔錯。
.
☞ Crispy Ox Tongue $56 (4.2/5)
當日special，價錢逐件逐件計。
我哋嗌左一件試吓，味道口感其實好似炸豬扒，不過牛脷就更加淋，而且更有油香。
配上佢嘅香草醬，係幾好食！
不過我覺得貴咗少少🤏。
Crispy Ox Tongue
$56
147 瀏覽
0 讚好
0 留言
.
☞ Steak Tartare $178 (4/5)
個個必點嘅菜式，加入左啲醃酸瓜，同埋橙黃色嘅蛋黃，一睇樣就知係呢間餐廳出品。
都係嗰句，Tartare係我心目中都係一道經典但係味道變化唔會太大嘅菜式，好少會好難食🙈。
呢間算係有少少變化，有啲酸瓜令到味道酸酸地咁，而且加咗黑胡椒，所以後勁會有少少辣。
醬汁比起一般嘅tartare多，所以口感會更creamy，加埋香脆嘅蜜糖脆麵包片一齊食唔錯，但係就會有少少蓋過牛肉嘅味道，易會容易膩，另外覺得多啲麵包片會更加好😶。
Steak Tartare
$178
204 瀏覽
1 讚好
0 留言
.
☞ Duck a l’Orange $338 (4/5)
另一道signature🦆！
覺得實物比圖大，本身諗住唔會夠飽，但都還好。
揀咗medium rare，粉嫩色好靚，一啲血水都冇，不過口感冇我望落去咁腍🙈但勝在鴨羶味好強，有種食緊中式燒味嘅感覺。
表面嘅鴨皮唔係香脆，但就增添少少油脂香。
最欣賞係個醬汁，好似紅酒汁咁，但係多咗浸甜味，配上醃製咗嘅香蔥，同埋多汁嘅橙肉，味道係唔錯😆。
不過睇返以往嘅圖片，發現佢哋嘅醬汁好似定期都有轉換，之前好似多一pat mashed。
Duck a l’Orange
$338
118 瀏覽
0 讚好
0 留言
Duck a l’Orange
$338
164 瀏覽
0 讚好
0 留言
.
☞ Sticky Date Pudding $108 (4.2/5)
本身唔諗住嗌，但後來睇睇下發現極多人推薦，好彩有叫到，我覺得係成餐最出色😆！
口感有少少似中式蒸糕，棗味突出得來唔會覺得奇怪。
配上caramel，望落去好似好多，驚會好甜，但入口又覺得剛剛好，最終仲一滴不漏！
配埋面頭奶香十足嘅clotted cream，絕對將成個pudding味道昇華😋。
Sticky Date Pudding
$108
176 瀏覽
1 讚好
0 留言
.
☞ Dark Chocolate and Hazelnut Delice, Creme Frache $108 (3.9/5)
見佢係喺Special menu上所以一試，但就有啲後悔🙈。
同生朱古力差唔多，係幾濃但冇乜特別。
只係最底加上榛子粒同埋粟米片，增添少少香脆。
Dark Chocolate and Hazelnut Delice, Creme Frache
$108
99 瀏覽
0 讚好
0 留言
.
☞ Honey Madeleine $18 (4/5)
另一個人人必叫嘅甜品，見佢平平哋所以一試。
即叫即焗，保證口感外脆內軟熟！
而且滲透淡淡的蜜糖香氣，算唔錯👌🏻。
Honey Madeleine
$18
119 瀏覽
0 讚好
0 留言
——————————————————
✨整體味道: 4/5
✨環境裝修: 3.9/5
✨服務態度: 4/5
✨性價比: 3.3/5
✨再訪興趣: 3/5
.
💞整體來講
大致上味道不過不失，但始終好評咁多，令我期望較高，但結果又冇想像中咁特別🤨亦唔係食過最深刻嘅法國小餐館(個人比較推boullion)。不過服務態度算唔錯，提提有興趣想試嘅就記住預先book位，最起碼都要早幾個禮拜先book到㗎。
張貼
