Waffills (已結業)

喺銅鑼灣食完，公主話想食甜品！夏日淡淡想食咩好呢？抹菜雪糕又食到厭厭哋，所以搵到依間由外國人主理嘅窩夫專門店！企咗喺門口一陣，睇吓佢舖頭部電視機，原來依位外國人師傅都幾有料到！好年青已經成為總廚，曾經到好多唔同嘅酒店工作過！原來喺香港開業嘅目的為咗推廣真正窩夫文化！因為窩夫起源於比利時！見到有新產品，緊喺叫嚟試吓啦！所以我自私食叫咗《窩夫雪糕批》！聽返店員哥哥講，依個雪糕批外層由窩夫嘅材料做成！中層朱古力，再包住比利時雪糕！依個《窩夫雪糕批》包裝都幾精緻，充滿心意！拆開包裝後，見到一嚿長方型嘅雪糕批，雖然唔算特別，但都幾得意！口感方便，外層比較淋身，雪糕內層就比較硬！因為當中有焦糖餅乾，咬落有都會爽爽聲咁！味道方便，當然食到朱古力之後，仲有好重嘅香蕉味！唔似香港一般甜品店嘅雪糕球，淡而無味！58 蚊食到真正嘅比利時雪糕，同明廚嘅創新出品！都幾合理！