影片
更多
2021-01-08
93 瀏覽
今次介紹嘅係來自加拿大既過江龍法式Crepe專門店。呢間Café Crêpe係2017年首次登陸香港中環，之後喺上年嘅八月尾喺尖沙咀嘅K11開分店。法式薄餅有甜味都有鹹味，鹹味當中黑松露香煎帶子最受歡迎，而甜味蘋果金寶配奶油醬同香草雪糕同黑朱古力配蘭姆酒汁及特濃咖啡忌廉芝士係招牌，不過肉桂烤啤梨配咸味焦糖醬都係好多人會叫，全部crepe即叫即整，保持餅皮軟熟。-1️⃣ Butterscotch Apple Crumble💰109（👅: 8.5/10）因為今次想食甜品，所以叫咗兩個甜味法式薄餅，而店員最推介嘅口味就係呢個蘋果金寶配奶油醬同香草雪糕。份量正常，食完會有飽肚感覺，Crepe偏黃色，皮比較薄，crepes好薄身，食落好煙韌，聞落好香因為有肉桂粉調味，一切開就見到入面充滿蘋果，蘋果煮得夠軟腍帶點爽口，係好好食既Apple Crumble，每一啖都係蘋果香，味道唔會過甜帶小小酸，而且有雪糕可以中和佢既甜。自家製奶油醬唔會搶過本身Apple Crumble既甜，各有發揮。而拖肥脆脆令呢個crepe增加新既口感，兩者口感有反差，食落豐富。-2️⃣ Cafe Gourmand 💰98（👅: 8/
今次介紹嘅係來自加拿大既過江龍法式Crepe專門店。呢間Café Crêpe係2017年首次登陸香港中環，之後喺上年嘅八月尾喺尖沙咀嘅K11開分店。
法式薄餅有甜味都有鹹味，鹹味當中黑松露香煎帶子最受歡迎，而甜味蘋果金寶配奶油醬同香草雪糕同黑朱古力配蘭姆酒汁及特濃咖啡忌廉芝士係招牌，不過肉桂烤啤梨配咸味焦糖醬都係好多人會叫，全部crepe即叫即整，保持餅皮軟熟。
-
1️⃣ Butterscotch Apple Crumble💰109（👅: 8.5/10）
Butterscotch Apple Crumble
$109
49 瀏覽
2 讚好
0 留言
因為今次想食甜品，所以叫咗兩個甜味法式薄餅，而店員最推介嘅口味就係呢個蘋果金寶配奶油醬同香草雪糕。
Butterscotch Apple Crumble
$109
11 瀏覽
1 讚好
0 留言
份量正常，食完會有飽肚感覺，Crepe偏黃色，皮比較薄，crepes好薄身，食落好煙韌，聞落好香因為有肉桂粉調味，一切開就見到入面充滿蘋果，蘋果煮得夠軟腍帶點爽口，係好好食既Apple Crumble，每一啖都係蘋果香，味道唔會過甜帶小小酸，而且有雪糕可以中和佢既甜。自家製奶油醬唔會搶過本身Apple Crumble既甜，各有發揮。而拖肥脆脆令呢個crepe增加新既口感，兩者口感有反差，食落豐富。
-
2️⃣ Cafe Gourmand 💰98（👅: 8/10）
Cafe Gourmand
$98
53 瀏覽
1 讚好
0 留言
而第二個店員推介嘅甜味法式薄餅就係依個黑朱古力配蘭姆酒汁及特濃咖啡忌廉芝士，店員強調個醬汁係佢哋自己調教出嚟，其他地方食唔到。
Crepe同埋碟上會明顯見到有2樣唔同既醬，分別係黑朱古力配蘭姆酒汁同特濃咖啡忌廉芝士，會好明顯食到兩隻醬既分別，因為黑朱古力個醬係重冧酒味，而另一個就好重咖啡味，如果唔係太鍾意rum或者咖啡味可能會唔岩食。
咖啡醬會比黑朱古力個醬甜，兩者同crepe混合一齊食意外地夾，好好既平衡唔會互搶戲份，雖然醬汁好重味不過同crepe一齊食就無好heavy既感覺。
同樣有脆脆增加crepe既口感，上面既堅果脆餅就正常發揮唔算特別。
-
🌟餐廳主打crepe，質素絕對有保證，除左crepe之外仲有正餐，早餐有eggs benedict、omelette、法式早餐等，都有主菜提供各式麵包、三文治、漢堡、意粉等，飲品有各種咖啡、奶昔。置於中環同尖沙咀呢D熱門地區，所以要一試法式crepe絕對唔難。
-
👅味道: 8.5/10
🍴環境: 6.5/10
💰消費: $104 (服務費: NA)
張貼
