燒味滷師 (安發大廈)

營業中

休息中

去開長沙灣探朋友，見到間燒味檔勁吸引，而且價錢都好優惠，於是乎斬咗啲料今晚加餸，都係二百零蚊，抵食喎。至尊燒鵝半隻$180份量好充足，而且味道唔錯，肉質鮮嫩可口。燒味佬叉燒半條$40半肥瘦嘅叉燒可遇不可求，因為有啲太瘦會好硬，但係呢條叉燒剛剛好，送飯一流。原味手撕雞半隻$60有原味同麻辣味揀，今次揀咗原味，肉質鮮嫩，撕得好幼細，下次試埋佢嘅麻辣味。整體而言唔錯，份量好大份，夠晒屋企人食，而且味道唔錯，下次經過都一定會再買。