Monster Sushi (已結業)

尋日大約夜晚6點幾7點，同朋友試下MONSTER SUSHI，可能時間比較早，等左兩張枱就到我地，入到去其實環境唔算太差。 ...首先落單既壽司刺身，D食物質素好似放題咁，完全over-price ，部份飯好易散，D魚生溫熱架... 然後我地加單嗌兩樣熟食，大約半個鐘之後，D熟食都未黎,我同朋友又因為D野食唔好食想走，就舉手唔該個侍應過黎，但見到佢個樣好唔耐煩咁行過黎 我話唔該我地見有兩樣熟食未黎, 可唔可以cancel，佢話check下廚房起左未，過一陣佢過黎話原來漏左單，咁我地就埋單啦順便 ~其實我見D 侍應又唔係好忙，等左15分鐘先至俾左張單我地，見到頭先果兩樣熟食係張單入面，計左數，隨即請個侍應果黎解釋番D野食冇黎到 麻煩跟跟張單 ，跟住再等10分鐘 先再俾番張岩數既單我地，但途中完全冇一個員工同我地解釋究竟發生咩事！ 仲見到張revised既單上面,見到佢地刪左2樣熟食再補「客人趕時間」，將責任完全推晒落我地度 (PS: 員工質素好有問題，D大既教細,冇問題,fine ，但可唔可以唔好咁大聲 專登係客人面前奚落呢?一D品都冇)