影片
更多
2020-06-29
1029 瀏覽
經過西環，見開左間日式外賣壽司店，入到見到件件壽司大大件，魚生充足，見到都流唒口水，舖面細細原來有得堂食，就同朋友一試究竟。揭開餐牌，超多選擇眼花撩亂，價錢大約都係$50至$100左右。每個餐都有麵豉湯，麵豉湯味道唔咸，內有海帶冬菇等，好飲。友人叫咗吞拿魚蓉海膽蟹子丼，丼嘅份量好大，食材新鮮，以$90嘅質素來講尚算唔錯。見佢本日餐牌有幾個餐有優惠價，就叫咗牛肋肉定食，內有蟹子沙律同忌廉蟹肉薯餅。薯餅新鮮炸起，鬆脆香口，唔點沙律醬已經好好食，沙律嘅蟹柳蟹子充足，牛肋肉份量都有六七粒，汁煮入味，配菜有紅蘿蔔同白蘿蔔，同飯一齊食好入味。定食寫住有甜品配送，以為係送啲cheap cheap雪糕，點知竟然係店員拎住一大箱唔同口味嘅雪糕杯過嚟俾我哋揀，我揀咗沖繩海鹽口味，牛奶味得來帶點鹹，非常適合夏天食。友人個丼飯冇寫有甜品但都有得揀雪糕，佢揀咗焦糖脆餅，相對就比較甜不過奶味都重。食嘢期間店員一直不斷過嚟斟茶，臨走見到店舖有好多外賣單，又有好多人嚟買外賣壽司，下次有機會一定要試佢啲手卷壽司同沙律，全部都大大份好吸引！
揭開餐牌，超多選擇眼花撩亂，價錢大約都係$50至$100左右。每個餐都有麵豉湯，麵豉湯味道唔咸，內有海帶冬菇等，好飲。
友人叫咗吞拿魚蓉海膽蟹子丼，丼嘅份量好大，食材新鮮，以$90嘅質素來講尚算唔錯。
呑拿魚海膽丼
$90
50 瀏覽
0 讚好
0 留言
見佢本日餐牌有幾個餐有優惠價，就叫咗牛肋肉定食，內有蟹子沙律同忌廉蟹肉薯餅。薯餅新鮮炸起，鬆脆香口，唔點沙律醬已經好好食，沙律嘅蟹柳蟹子充足，牛肋肉份量都有六七粒，汁煮入味，配菜有紅蘿蔔同白蘿蔔，同飯一齊食好入味。
牛肋肉定食
$70
67 瀏覽
0 讚好
0 留言
定食寫住有甜品配送，以為係送啲cheap cheap雪糕，點知竟然係店員拎住一大箱唔同口味嘅雪糕杯過嚟俾我哋揀，我揀咗沖繩海鹽口味，牛奶味得來帶點鹹，非常適合夏天食。友人個丼飯冇寫有甜品但都有得揀雪糕，佢揀咗焦糖脆餅，相對就比較甜不過奶味都重。
食嘢期間店員一直不斷過嚟斟茶，臨走見到店舖有好多外賣單，又有好多人嚟買外賣壽司，下次有機會一定要試佢啲手卷壽司同沙律，全部都大大份好吸引！
張貼
