影片
更多
2022-03-16
369 瀏覽
今日天氣好好，可以帶埋狗仔出巡🐶有小動物一齊，揀餐廳地點唔多唔少都會有啲限制。不過山頂廣場係動物友善商場，可以帶埋動物一齊行街，而且大部分餐廳都係動物友善餐廳✅今日揀咗金玡居，已經係第二次黎😋如果有動物，會被安排坐户外。疫情下，每枱限二人，加上天氣好好，多咗好多人放狗，所以户外座位好快就坐滿。餐廳好貼心，如果有小朋友，落單嘅食物有胡椒 / 辣，職員喺confirm 單時，會提一提你。而且餐牌上面會標明辣椒，湯麵會有埋辣度🤣以防食客唔小心點咗地獄辣🔥今日我揀咗 麻辣臭豆腐牛肉粗麵 (4辣椒、辣度50%) ($98)。上一次黎食紅燒牛肉麵，已經覺得佢個湯底好香濃，雖然寫辣，不過食落一啲都唔辣，決定今次挑戰麻辣🔥再叫咗杯救命凍紅豆奶茶🧋太辣可以即刻中和下🤣不過我覺得餐廳對於辣度好保守，連唔係好食得辣嘅我，都唔覺得辣🤣湯麵有3件臭豆腐、2大件牛肉，仲有一隻溏心蛋。牛肉係屬於偏瘦，無乜肥肉。雖然無肥膏，但肉質好淋，唔會太難咬。朋友揀咗個 花椒半筋半肉湯麵 (5辣椒、辣度70%) ($118)。我都覺得唔係好辣🤣，係有啲麻。佢哋嘅辣唔係好辣，岩哂啲想食辣又唔係好食得辣嘅我🤣佢嘅辣係香，唔嗆喉，好惹
有小動物一齊，揀餐廳地點唔多唔少都會有啲限制。不過山頂廣場係動物友善商場，可以帶埋動物一齊行街，而且大部分餐廳都係動物友善餐廳✅
今日揀咗金玡居，已經係第二次黎😋
如果有動物，會被安排坐户外。
疫情下，每枱限二人，加上天氣好好，多咗好多人放狗，所以户外座位好快就坐滿。
餐廳好貼心，如果有小朋友，落單嘅食物有胡椒 / 辣，職員喺confirm 單時，會提一提你。而且餐牌上面會標明辣椒，湯麵會有埋辣度🤣以防食客唔小心點咗地獄辣🔥
今日我揀咗 麻辣臭豆腐牛肉粗麵 (4辣椒、辣度50%) ($98)。上一次黎食紅燒牛肉麵，已經覺得佢個湯底好香濃，雖然寫辣，不過食落一啲都唔辣，決定今次挑戰麻辣🔥再叫咗杯救命凍紅豆奶茶🧋太辣可以即刻中和下🤣
不過我覺得餐廳對於辣度好保守，連唔係好食得辣嘅我，都唔覺得辣🤣
湯麵有3件臭豆腐、2大件牛肉，仲有一隻溏心蛋。牛肉係屬於偏瘦，無乜肥肉。雖然無肥膏，但肉質好淋，唔會太難咬。
朋友揀咗個 花椒半筋半肉湯麵 (5辣椒、辣度70%) ($118)。我都覺得唔係好辣🤣，係有啲麻。
佢哋嘅辣唔係好辣，岩哂啲想食辣又唔係好食得辣嘅我🤣佢嘅辣係香，唔嗆喉，好惹味👍🏻
仲叫咗一個小食，鹽酥雞 ($40) 。 Menu 上面又係有一隻辣椒🌶️，同樣無辣味😆配埋珍珠葉一齊上🍃
由於餐廳係山頂，普遍哩個地段嘅餐廳，價錢相對較高，所以餐廳主食價錢唔算平。當然商場入面都有茶餐廳，不過拎番同類型餐廳比較，價錢都差唔多，餐廳職員亦好有禮貌❤️
雖然講唔上好抵食，但味道同份量足👍🏻，絕對值得一試👍🏻
張貼
