魚鮮生刺身專門店 (已結業)

有晚老公去買外賣，分別買左燒帆立貝、燒左口魚裙邊丼、雞皮餃子，連埋外賣盒總共$226。回來見到串帆立貝，我地都好驚訝！點解可以迷你成咁！每粒同手指公差不多大！敢收人$48串，真係祝你生意好呀！你做出黎唔覺得有問題既咩？咁都可以比客？真係好離譜！香港飲食業難做大家都知了，所以我真係幾年都無乜比過負評！但明知難做仲咁樣做生意真係覺得你應該反省下！其他雞皮餃子、燒左口魚裙邊丼都好一般！問個店員丼飯用壽司飯定白飯，佢可以問返你要乜飯？你地無標準做開咩架咩？感覺就係亂咁黎成個魚飯飯白雪雪無乜鮮味！唔好食！個樣好似病人食既野咁無乜顏色，睇見都無胃口呀！唔建議哂quota去食！無誠意既一間店！