影片
更多
2005-03-20
42 瀏覽
上個星期成班friend約出來食飯，有朋友提議話去跑馬地食燒野，話佢食過一間日式串燒叫燒鳥亭好正的，要我地一定去試下，其實本身唔多鍾意食燒野的，一來怕熱氣，二來怕油膩，但既然個個話去咁就去啦。去到見個門口幾骨子，點知入到去重骨子，真係好細，十張檯都唔知有無，個日星期三，但都見坐滿人，唯有係門口等一陣，好彩等左唔係好耐就有位，原來燒爐個位後面有張大檯，我地十個人都夠坐，坐低後掛住傾計，全程由朋友發版，唔知佢叫左乜，淨係見到面前有碟醬同埋鹽，先頭係門口等個陣見出面寫話全店使用伯方天然鹽，點左少少試下，感覺咪又係鹽，有分別嗎?(後來發覺用呢D鹽去點野食真係好味D)第一碟菜來到，見到幾條乾滋滋既肉乾，一碟沙律醬，點知一食落口，不得了，好味到隔離friend 個碟都比我食埋，問個friend 呢D係乜? 原來係雞泡魚乾，口感似剛剛燒好重熱既牛肉乾，但我唔識點形容佢個味，真係要親身試下先會知，一個字"正"，之後來碟燒雞中翼，面脆內軟，點左佢之前放係度既紅色醬料，味道依然係好得，聽dfriend 講個醬係出名的，佢話呢度前身係南蠻亭，南蠻亭都係靠呢個醬起家，呢度個廚房班底都係以前個班人，不過佢就唔知
去到見個門口幾骨子，點知入到去重骨子，真係好細，十張檯都唔知有無，個日星期三，但都見坐滿人，唯有係門口等一陣，好彩等左唔係好耐就有位，原來燒爐個位後面有張大檯，我地十個人都夠坐，坐低後掛住傾計，全程由朋友發版，唔知佢叫左乜，淨係見到面前有碟醬同埋鹽，先頭係門口等個陣見出面寫話全店使用伯方天然鹽，點左少少試下，感覺咪又係鹽，有分別嗎?(後來發覺用呢D鹽去點野食真係好味D)
第一碟菜來到，見到幾條乾滋滋既肉乾，一碟沙律醬，點知一食落口，不得了，好味到隔離friend 個碟都比我食埋，問個friend 呢D係乜? 原來係雞泡魚乾，口感似剛剛燒好重熱既牛肉乾，但我唔識點形容佢個味，真係要親身試下先會知，一個字"正"，之後來碟燒雞中翼，面脆內軟，點左佢之前放係度既紅色醬料，味道依然係好得，聽dfriend 講個醬係出名的，佢話呢度前身係南蠻亭，南蠻亭都係靠呢個醬起家，呢度個廚房班底都係以前個班人，不過佢就唔知點解改左名，但佢話改左之後就開始重多野食揀過以前南蠻亭，成日有新菜出，一路傾D菜就一路出來，真係無野好講，碟碟都咁正，熱氣就熱氣啦，最多一陣飲涼茶，繼續食雞皮蝦卷，露筍豬肉卷，雞較軟骨，廣島蠔，日本蕃薯......最後飽到頂唔順先停口，呢度食有兩樣菜係一定要叫的，就係鵝肝同安格斯牛柳，因為之後去第二度食都食唔都咁好味既鵝肝同牛柳。
食飽飽埋單，一睇張單，真係先明白一分錢一分貨，成3百蚊一個人，不過心諗好食都抵既。
張貼
