緣屋 札幌元袓蝦湯拉麵 (信德中心)

營業中

休息中

勁濃蝦味湯底 同男朋友過大海玩，係信德中心等船，去左呢間日式拉麵店食。 餐廳裝修幾舒服，坐位都闊落，同埋就算係小小OPEN KITCHEN，但都冇乜油煙。男友食焦香醬油蝦濃湯拉麵，我食三文魚子蟹肉沙律配柚子汁，再加一個小食唐揚炸雞SHARE。焦香醬油蝦濃湯拉麵焦香醬油好香，加埋個湯底好濃蝦味，紅卜卜好濃香鮮味，仲附上薑俾我地加落湯，加埋薑，有小小辣，令個湯油而不膩，咁配男友話好食，好夠味。麵質偏硬，但勝在有咬口，所以連湯食麵，慢慢咬飲湯，吾錯。三文魚子蟹肉沙律配柚子汁三文魚子配拆好嘅蟹肉係面，底下大大埋沙律菜，配小小柚子汁。三文魚子都新鮮，漲卜卜，鹹鹹地配沙律菜個味岩岩好，蟹肉都算鮮，再配埋甜甜酸酸柚子汁，好FRESH。唐揚炸雞雞係即叫即炸，炸粉不厚，所以食到雞皮脆，肉都OK嫩滑有汁，吱小小檸檬汁，再清新D，吾會好油既感覺。