拉麵台風 (已搬遷) 新店位置

依間次次都要排隊，勝在份量超多，男仔都夠食。果時嗌九級颱風極辣拉麵，賣相就似專門俾食得辣嘅人挑戰，海量式嘅辣粉加上本身已鮮紅色嘅豬肉湯，的確一般人千祈唔好試咁辣。先講配料，兩粒半份嘅糖心蛋已比其他地方多，而且味道不俗，都有流質感。兩大塊紫菜鋪上魚粉，自由選擇沾上幾多，令湯提升多一個層次，筍片亦大塊又厚，毫不吝嗇，洋蔥片襯湯會刺激到整體味道。唯獨叉燒方面雖然好多，但鬆散又偏乾，冇乜加工過感覺，依點就遜色少少。湯底出名夠濃夠柔綿綿，掛湯冇難度，而且每啖都感受到熬製十幾個鐘嘅香味。不過因為好濃，可能有人飲得多會覺得膩。至於粗麵多且質量好，值得讚，又彈牙又好味，今次加底竟然差啲食唔晒。