影片
更多
2018-04-08
1312 瀏覽
開頭以為藍芝士會好臭，但係反而又幾香喎。鐘意芝士既朋友仔可以試下🧀加埋面頭撒滿烤過既雞肉粒，提子梅乾，甜甜酸酸，又有咬口，作為頭盤特別醒胃👍🏻-Jumbo size份量真係唔可以睇少，有齊哂想試既小食😍 即叫即整既炸物，夠熱夠脆夠香口，已經冇得輪，加上食落唔太油膩，仲要每款食物都跟番相應既醬汁俾大家。不過我就緊係亂點啦，個人最愛barbecue sauce 同honey mustard 🤤-成日都覺得食ribs唔抵，感覺得骨冇肉，又食得麻煩，點知依個rib係多肉到不得了。用胡桃木燻燒到超淋，一切係會骨肉分離，加埋面頭既醬汁，好惹味，最後係食淨堆肋骨係到既-一望就知芝士份量一d都唔少，每粒通粉都浸滿芝士汁，而且芝士香濃同稠，不過食得多係會漏架。另外欣賞佢冇淋芝士汁係烤雞上面，可以食番烤雞原本調既味道，鮮嫩多汁。不過蒜蓉包就麻麻喇，唔夠脆同偏油，寧願佢唔好加落去。價錢方面就大約百幾蚊。-開頭以為係普通既雪紡蛋糕加雪糕，點知切開有驚喜😍入面係有熱溶左既朱古力🍫流出黎，係brownie x 心太軟，而且朱古力夠香濃，一凍一熱既感覺太正，秒速ko左🤣-唔好睇佢個樣平平無奇，但係拉芝效果一流，可以
開頭以為藍芝士會好臭，但係反而又幾香喎。鐘意芝士既朋友仔可以試下🧀加埋面頭撒滿烤過既雞肉粒，提子梅乾，甜甜酸酸，又有咬口，作為頭盤特別醒胃👍🏻
-
Jumbo size份量真係唔可以睇少，有齊哂想試既小食😍 即叫即整既炸物，夠熱夠脆夠香口，已經冇得輪，加上食落唔太油膩，仲要每款食物都跟番相應既醬汁俾大家。不過我就緊係亂點啦，個人最愛barbecue sauce 同honey mustard 🤤
-
成日都覺得食ribs唔抵，感覺得骨冇肉，又食得麻煩，點知依個rib係多肉到不得了。用胡桃木燻燒到超淋，一切係會骨肉分離，加埋面頭既醬汁，好惹味，最後係食淨堆肋骨係到既
-
一望就知芝士份量一d都唔少，每粒通粉都浸滿芝士汁，而且芝士香濃同稠，不過食得多係會漏架。另外欣賞佢冇淋芝士汁係烤雞上面，可以食番烤雞原本調既味道，鮮嫩多汁。不過蒜蓉包就麻麻喇，唔夠脆同偏油，寧願佢唔好加落去。價錢方面就大約百幾蚊。
-
開頭以為係普通既雪紡蛋糕加雪糕，點知切開有驚喜😍入面係有熱溶左既朱古力🍫流出黎，係brownie x 心太軟，而且朱古力夠香濃，一凍一熱既感覺太正，秒速ko左🤣
-
唔好睇佢個樣平平無奇，但係拉芝效果一流，可以拉到好長，好好玩🤣 現場仲有live band炒熱氣氛，唔錯🎸 最後嗌左6樣野食，6杯飲品連加一，除6每人$274，價錢俾大家參考下-
好味指數: 7.5/10
賣相: 7/10
性價比: 7/10
張貼
