影片
更多
2021-12-07
118 瀏覽
尖東竟然有間都幾隱世又抵食嘅鐵板燒，係個舊啲嘅商場，新文華中心。除咗鐵板燒，仲有好高質嘅刺身同好多清酒，啱晒我哋呀😆我見餐牌大部分食物星期一至四都有8折，正😊晚餐A，$328 套餐主要包靚刺身同埋鐵板燒三選二，再加蛋、沙律菜、湯同烏冬。刺身都係呢間餐廳嘅主打，老細話全部日本新鮮空運過嚟。當中仲有兩塊肥美嘅拖羅😍另外三文魚都好肥美，蝦勁甜，油甘魚都好香口。鐵板方面我哋揀咗蝦同廣島蠔，蝦味道好夠，又彈牙，蠔都好味，鐵板燒記得趁熱食。晚餐F，$268呢個套餐主要係食牛扒--網燒安格斯牛排，塊扒大大塊，好足料，絕不吝嗇，牛質好嫩好嫩，燒得啱啱好，好好味😋大家最好好似我哋咁share食，如果唔係一人一塊扒就會好滯，食唔到其他好嘢。鱈魚白子店員極力推介嘅白子，佢話生食最好食，加啲醋汁，好滑好正。的確師傅整得好好，一啲啲腥味都冇，好神奇，一啖落去，真係勁滑勁開胃。4款串燒+2杯清酒，$154呢度仲有一啲專門飲酒嘅套餐，我哋叫咗一set串燒，2杯清酒，先$145😍最好味係蛋免治雞肉，食得出入面雞軟骨嘅口感，撈埋一個溫泉蛋食，真係勁好味。另外雞翼、長蔥雞、雞腎，都好味😋雜錦天婦羅+2杯清酒，$145另外
尖東竟然有間都幾隱世又抵食嘅鐵板燒，係個舊啲嘅商場，新文華中心。除咗鐵板燒，仲有好高質嘅刺身同好多清酒，啱晒我哋呀😆我見餐牌大部分食物星期一至四都有8折，正😊
晚餐A，$328
套餐主要包靚刺身同埋鐵板燒三選二，再加蛋、沙律菜、湯同烏冬。刺身都係呢間餐廳嘅主打，老細話全部日本新鮮空運過嚟。當中仲有兩塊肥美嘅拖羅😍另外三文魚都好肥美，蝦勁甜，油甘魚都好香口。鐵板方面我哋揀咗蝦同廣島蠔，蝦味道好夠，又彈牙，蠔都好味，鐵板燒記得趁熱食。
晚餐F，$268
呢個套餐主要係食牛扒--網燒安格斯牛排，塊扒大大塊，好足料，絕不吝嗇，牛質好嫩好嫩，燒得啱啱好，好好味😋大家最好好似我哋咁share食，如果唔係一人一塊扒就會好滯，食唔到其他好嘢。
鱈魚白子
店員極力推介嘅白子，佢話生食最好食，加啲醋汁，好滑好正。的確師傅整得好好，一啲啲腥味都冇，好神奇，一啖落去，真係勁滑勁開胃。
4款串燒+2杯清酒，$154
呢度仲有一啲專門飲酒嘅套餐，我哋叫咗一set串燒，2杯清酒，先$145😍最好味係蛋免治雞肉，食得出入面雞軟骨嘅口感，撈埋一個溫泉蛋食，真係勁好味。另外雞翼、長蔥雞、雞腎，都好味😋
雜錦天婦羅+2杯清酒，$145
另外仲叫咗一set天婦羅，有三隻蝦，加2款蔬菜，同樣有埋清酒😊天婦羅都整得幾好味。估唔到細細間舖有咁多野食，而且全部都好滿意。
飲清酒嘅話，仲可以自己揀杯，好正。以後收工又多個選擇啦，店員話日頭仲抵，同樣有折扣，下次要再去試吓先😊😊
張貼
