小魚兒 (金馬大廈)

營業中

休息中

今日涷涷地，想食雞煲，朋友帶我黎呢間，睇吓餐牌都幾多款式，價錢唔算貴，就入去試吓。麻辣雞煲（半隻）我地簡咗小麻小辣，份量都唔算少，一開蓋已經勁香麻辣味，食落d雞非常嫩滑，d醬汁好濃好惹味，d麻辣味勁正，食到停唔到口。辣子雞雖然成碟都係辣椒，但唔算辣，雞肉炸到好乾身，入晒味，唔錯。椒鹽金菇炸得非常香脆，勁大碟，好香椒鹽味，食落唔會太油，點埋喼汁仲惹味。燒茄子上面鋪滿勁多蒜，茄子都好厚身，好多肉，燒茄子加蒜，勁正。燒牛油粟米第一次見咁燒，每件粟米上面都有勁多蒜，仲加埋牛油香味，好好味。龍鳳檸樂食雞煲唔少得飲有汽飲品，龍鳳檸樂夠酸夠爽。