竹屋日本料理 (已結業)

其實對於食放題我興奮左好耐諗住大放縱不過呢間就真係麻麻地少去紅磡..所以好難搵- -由於食早場既關係一入到去得四丁人肚仔餓拿拿臨叫野食坦白講我覺得呢度既熟食好過壽司魚生魚生size有待改進但吞拿魚有酸味好彩叫左兩片三文魚不錯雞軟骨激讚燒蕃薯好軟糯香甜不過天婦羅炸漿太厚有點膩有幾款既燒雞串都唔錯肉質幾好但芝麻雞翼略嫌有點奀挑鬼命雞骨腸幾特別佢燒得岩岩好既話會有肉汁另外唔好叫個杯凍既柑桔檸檬..甜到喊叫熱既菊花蜜較好四款雪糕只中最好味係芝麻夠哂香綠茶就較重奶味紅豆中等波羅感覺太人工不過有果肉而且雪糕夠哂凍不錯總括黎講都叫合格但希望員工可以講少句粗口同埋態度好少少