影片
更多
2009-05-11
40 瀏覽
我同小公主好有興緻喺星期五晚揸車入去黃金海岸試下呢間法國菜，七點半去到，餐廳算幾有情調，不過枱與枱之間太埋，私人空間不足，好在我地兩個唔係去談情，而係去食嘢咋。我地叫咗個二人套餐：1. 餐包 - 當然係逢西菜都會有嘅麵包，真係好抱歉，因為我估佢地應該唔會係自己做麵包，應該都係買人地現成嘅，不過質感真係好似Delifrance造嘅，雖然都唔差。2. Seafood Platter - 呢個海鮮拼盤真係少得可憐，得三樣嘢，每人得一舊，螺肉算最好，夠爽夠鮮甜，蝦又細，生蠔應該係營養不良，冇肉嘅....一個字形容 -- shit.3. 什菜沙律 - 好似是旦搵堆草比你食咁，啲菜好cheap，根本唔係用開外國整沙律嘅食材。4. 釀鴨胸 - 切得太薄，冇口感，厚啲應該唔錯。4. 煎鵝肝 - 用上傳統黑醋汁伴，不過鵝肝半身有根，而且質地幾鞋，應該係次等貨。5. Clam Chowder soup - 普通到唔可以再普通。6. Cream of Carrot soup - 甘荀忌廉湯，係本人至唔喜愛嘅忌廉湯款，雖然自己唔鍾意，但算做得幾好。7. 鮮蝦鮮茄炒意粉 - 好多油，太肥膩了，滿到瀉咁滯，啲意粉
我地叫咗個二人套餐：
1. 餐包 - 當然係逢西菜都會有嘅麵包，真係好抱歉，因為我估佢地應該唔會係自己做麵包，應該都係買人地現成嘅，不過質感真係好似Delifrance造嘅，雖然都唔差。
2. Seafood Platter - 呢個海鮮拼盤真係少得可憐，得三樣嘢，每人得一舊，螺肉算最好，夠爽夠鮮甜，蝦又細，生蠔應該係營養不良，冇肉嘅....一個字形容 -- shit.
3. 什菜沙律 - 好似是旦搵堆草比你食咁，啲菜好cheap，根本唔係用開外國整沙律嘅食材。
4. 釀鴨胸 - 切得太薄，冇口感，厚啲應該唔錯。
4. 煎鵝肝 - 用上傳統黑醋汁伴，不過鵝肝半身有根，而且質地幾鞋，應該係次等貨。
5. Clam Chowder soup - 普通到唔可以再普通。
6. Cream of Carrot soup - 甘荀忌廉湯，係本人至唔喜愛嘅忌廉湯款，雖然自己唔鍾意，但算做得幾好。
7. 鮮蝦鮮茄炒意粉 - 好多油，太肥膩了，滿到瀉咁滯，啲意粉又煮得太硬。
8. 牛柳 - 牛肉本身有根而且冇咩肉味，已經冇肉味，而且汁又少，新薯煮到仍然係硬身嘅，唉.......
9. Coffee - 咖啡係機沖嘅，不過不失。
Comments : 如果講食物質素，千其唔好去，包你後悔。最多都係食氣氛，又山長水遠入到去，得不償失。
張貼
