千府·居食屋 (已結業)

今晚同朋友去了間居酒屋，位置就在勝利道，位置都方便，座位唔算太多，但都十分舒適，朋友發板，點了九件壽司，有最愛嘅赤身、肥美拖羅、魚味較濃郁嘅深海池魚，彈牙赤蝦、厚切帶子、令人滿足嘅海膽、充滿油膩嘅火炙鰈魚邊、軟滑肥美嘅和牛，件件都十分新鮮！而串燒比較喜歡就係日本黑豚腩肉，本身肉質嫩滑加上本身肉質結實好有口感，加上本身嘅脂肪消得恰到好處上面撒了少少鹽十分好味！鹽燒白鱔，本身白鱔肥厚，師傅燒得白鱔皮脆，入口肉質彈牙肥美，真係令人十分回味！配埋枝純米吟釀-天之户冰晶，入口帶點微甜嘅清酒，配上串燒真係十分配合！朋友推介嘅日本黑豚肉炒麵飯，又真係十分特別，用上了肥美嘅黑豚肉再加埋彈牙煙韌嘅麵炒之餘還有混埋醬汁嘅白飯一齊炒，出來十分入味，又充滿口感，啖啖入口感覺暖粒粒，十分滿足！店員親切招待，同客人打成一片，確實好有日本居酒屋感覺！