墾丁茶房 (已結業)

今日同同事食飯去左Mega尋食，週五太多人喇，有人就提議去墾丁茶房，多d位唔洗等太耐，去左等左幾分鐘就有得入。諗左一陣叫左個滷水拼盤配台式肉燥飯。入面包括流心蛋、蘿蔔、雞翼、豆腐件、豬頸肉，另配一個台式肉燥飯。送小食醋汁黑木耳，熱檸茶，不過不失。肉燥係個套餐中既主角之一，台式肉燥飯肉燥淹蓋整白飯，顏色偏黑，較黏稠，配有鬆軟肉碎加切得細碎既香菇，易入口同易入味，咸中帶有少許醬汁既微甜。肉燥飯整體味濃，我個人比較偏好一口飯Mix肉燥，而唔係一開始已經張佢地撈埋一齊。推介！滷水拼盤配賣相唔錯，將滷味流心蛋、蘿蔔、雞翼、豆腐件、豬頸肉分門别類擺放好。流心蛋醃得唔夠，冇乜滷水味，中間流心部分做得幾好。蘿蔔醃得入味，滷汁同腩汁味濃，單送白飯都可以，唔錯。雞翼同豆腐件滷水色重，不過較乾身，食落較普通。豬頸肉有咬口，都算入味。呢間既肉燥值得加分，下次可以試下三杯雞配肉燥飯。