初心冰室 (已結業)

今日同朋友去左旺角附近嘅一間好似Cafe嘅餐廳。間Cafe叫初心冰室，入邊有幅畫叫大家勿忘初心每一張枱上面都有啲好靚嘅 磚，幾feel。成間餐廳感覺幾舒服。好適合傾計。啲晚餐set都唔貴，好多都係$100以下。我見都好多人食牛扒，不過今日唔想食咁多肉所以我哋冇揀。餐湯可以加$10轉酥皮，酥皮太肥，所以都冇轉。餐湯同包都OK。蟹肉配蜆肉忌廉汁天使麵，都幾creamy,好多蟹肉同蜆肉，份量啱啱好，幾好味。 香煎鵝肝芝士牛肉漢堡，好juicy, 好香， 味道好。跟餐加$10仲可以飲黑牛。食飽仲送咗甜品，係綠茶糯米糍。