影片
更多
2019-02-14
2287 瀏覽
話說有次過海要去中環食lunch，唔知食乜好?!即刻上果個成日有折扣嘅app睇下，見到有間嘢40% off，仲喺蘭桂芳附近藝穗會對面，一於去試吓！由於我遲到，朋友V一早到咗，佢睇過set lunch menu 之後決定散叫 (因為個app講明set 同drinks 唔屬折扣範圍之內)，但後尾我睇到原來set lunch menu 同我哋散叫嘅菜式9成一樣，價錢亦都係差無幾，結論係~lunch 嚟食唔會慳好多！餐廳環境裝修係一間bar，餐廳另一邊有個小舞台同已經set 好嘅鼓，晚上應該經常有現場Band 演奏！相信呢區主要收入來源都係夜晚，下晝呢d時間都係幫補吓，所以今日成間餐廳得我哋兩個包場！哈哈哈！侍應好快遞上自家製麵包+橄欖油，味道都唔錯！蘑菇忌廉湯叫咗一份蘑菇湯可以分開兩碗上，質地偏稀，但好香蘑菇味，質地又唔杰，仲有佢中間有堆泡，面頭灑左d蔥粒，中間紅色果d粉唔知係乜，不過顏色好靚，溝埋晒又幾好味！另外仲有條炸麵條，係完全無味道！硬得嚟又唔鬆化，麻麻哋！Chitarra叫咗個蟹肉、菠菜嘅意粉，應該係餐廳加入咗墨魚汁自家制嘅手工意粉，雖然個樣黑蚊蚊，但麵質好有口感又彈牙，係我鐘意果
由於我遲到，朋友V一早到咗，佢睇過set lunch menu 之後決定散叫 (因為個app講明set 同drinks 唔屬折扣範圍之內)，但後尾我睇到原來set lunch menu 同我哋散叫嘅菜式9成一樣，價錢亦都係差無幾，結論係~lunch 嚟食唔會慳好多！
餐廳環境裝修係一間bar，餐廳另一邊有個小舞台同已經set 好嘅鼓，晚上應該經常有現場Band 演奏！相信呢區主要收入來源都係夜晚，下晝呢d時間都係幫補吓，所以今日成間餐廳得我哋兩個包場！哈哈哈！
侍應好快遞上自家製麵包+橄欖油，味道都唔錯！
蘑菇忌廉湯
叫咗一份蘑菇湯可以分開兩碗上，質地偏稀，但好香蘑菇味，質地又唔杰，仲有佢中間有堆泡，面頭灑左d蔥粒，中間紅色果d粉唔知係乜，不過顏色好靚，溝埋晒又幾好味！另外仲有條炸麵條，係完全無味道！硬得嚟又唔鬆化，麻麻哋！
Chitarra叫咗個蟹肉、菠菜嘅意粉，應該係餐廳加入咗墨魚汁自家制嘅手工意粉，雖然個樣黑蚊蚊，但麵質好有口感又彈牙，係我鐘意果種意粉質地！而且加咗龍蝦汁配蟹肉，特別鮮味，蟹肉份量又夠多，意粉粗粗可以掛到好多汁，連埋蟹肉同龍蝦汁撈勻食，超好味！
Grilled USDA Prime Ribeye with Bone Morrow
第一次食牛骨髓，好似太油膩，不過我由開始喺大陸返工開始，愛上咗食豬筒骨，鍾意啜豬骨入面d骨髓，但牛骨髓就真係第一次見有得食！
肉眼扒叫咗7成熟 (因為我唔食咁生)，所以燒得比較乾，上面果舊蒜香牛油，配埋件扒都幾香！
超大舊牛骨但骨髓得好少！
Sides- Sauteed Mushroom
正常無乜特別。
張貼
