On The Spot Cafe Bar Restaurant (已結業)

今次同朋友黎呢間餐廳慶祝生日，呢間餐廳裝潢幾有格調，仲有埋Karaoke，好適合同一大班朋友熱熱鬧鬧慶祝特殊日子。我哋35 人Order 了兩隻西班牙燒乳豬，用碟切開，香噴噴，個皮真係好脆，用碟界開隻豬仔，脆到好似玻璃卜卜聲，即時聞到香味噴出，不單止香，食落味道超正！ 香酥外皮，内裏乳豬肉嫩滑多汁，大家一人幾舊，食到停唔落口。廚師另外再為我們特製了各式各樣的小食，有煙三文魚撻，蜜瓜巴拿火腿parma ham， 蘑菇，矮瓜芝士等等 （我不記得所有食物的名稱），只係知道每樣都好好味😋，而且大家好快就食晒！今次聚會仍然叫返幾款pizza同Lasagna，呢間嘅pizza食得出係自家制嘅香濃醬汁同手作餅底，香濃酸甜醬汁搭配有韌勁嘅餅底，味道同出邊連鎖餐廳完全唔同，一啖落去好滿足。另外有Roast Beef亦令人印象深刻，食得出嘅高質牛肉，chef烹飪火候亦把握相當好！除咗主食、主菜，因爲有朋友食素，都有order幾款素食、沙律，佢地都一致好評。素食勝在食材新鮮，醬汁清爽酸甜。食得多主菜，食下沙律好解膩！