包點料理

營業中

休息中

晌包點料理買咗個蓮蓉包同豆沙包做午餐，買嗰陣可以揀熱定凍，因為係即刻食所以揀咗熱，拎到返去之後啲包嘅外皮黏埋一齊，不過都尚可接受。蓮蓉包同豆沙包嘅外觀差唔多，豆沙包就用咗小紅點做識別。將個豆沙包撕開一半，入面餡料集中晌中間位置，冇偏左偏右嘅情況，都算包得平均。個包嘅外皮本身有少少甜味，軟綿綿但比較黏牙。豆沙餡質感實淨，都算唔會甜到漏。蓮蓉包嘅餡料比豆沙更有黏性，撕開之後只係留晌其中一邊，味道都幾甜下，食完會有少少涸喉，不過就賣得唔貴，都冇乜好要求喇！