LM Cafe (已結業)

每次去觀塘諗食咩都好煩腦，特別係工廠區好多都冇做晚市，大商場既食肆價錢都比較貴，難得搵到呢間離地鐵站都唔算太遠既LM cafe，一於入去試下👍🏼好厚一本既Menu！非常多菜式，由三十幾蚊既All day breakfast；四、五十蚊既意粉、飯；到八、九蚊既鐵板餐都任君選擇，連甜品都有得自選配料，啱哂一家大細既口味！好難得會見到有玉子燒餐，叫左個咸牛肉芝士玉子燒配撈丁，仲可以選配小食，送埋飲品都係五十幾蚊，抵呀！ 蛋炒得好滑，可以拉到芝士，見到都覺得吸引~ 本來想叫杯黑牛，可惜店員話得返士多啤梨味雪糕😂，平時飲開可樂多，今次試下飲咸檸七，夠哂清涼解渴！另外仲叫左黑松露芝士焗雜菌西蘭花，未放入口已經聞到好濃既黑松露味啦！唔好睇少呢碟西蘭花，我地4個人分都食唔哂，因為真係好大份！