Okashi Galleria x Calbee Plus (已結業)

講到食薯片，最出名一定係日本牌子《卡樂B》。各位薯片迷期待已久嘅薯片概念店終於登陸香港灣仔喜帖街。店鋪裏面有開放式嘅薯片製作工場， 薯片製作嘅過程一目了然。即炸新鮮薯片有波浪同埋平切兩種選擇， 今次我就揀咗波浪形，波浪形狀可以吸附更多調味料， 而且食落比較脆身。口味方面就揀咗香港限定嘅避風塘口味。 套餐價加埋一杯汽水38蚊， 貴就貴咗啲， 不過身為薯片超級迷嘅我， 一定要試下新鮮炸嘢薯片係咩口味。鮮炸嘅薯片摸上手熱辣辣， 食落夠曬脆身， 不過避風塘口味就毫不特別， 唔夠蒜香同埋椒鹽味， 反而食落有啲似媽咪麵， 而且味道太鹹， 用兩杯汽水送都唔夠。對於係薯片嚟嘅我難免會有啲失望， 希望會有其他更加特別嘅薯片口味， 為我哋帶來驚喜啦。