Al Forno Pizzeria (已搬遷) 新店位置

Buffalo wings（4pc/$48）-雞翼本身炸過，食落味道比較香口，醬汁味道鹹鹹地，再有酸辣嘅味道，個人覺得可以再辣少少就perfect。-Sweet potato fries （$50）-材料用左番薯去製作，食落口感完全唔同，咬落外皮炸得好香脆，入面口感比較實，番薯味道清甜，旁邊仲配埋蜜糖芥末醬，不過原汁原味好似好食d，個醬有少許搶味。-Beijing （$130/big)-北京填鴨味嘅pizza，食落味道真係好似，而且味道仲要好好食，十分值得推介俾外國人試下；用左鴨胸代替燒鴨皮，有少許煙燻味，食落好有層次感，而醬汁係海鮮醬，配料有京蔥、青瓜、而餅皮比較薄身，所以食落真係好似食緊北京填鴨。