東海堂 Bake•Drink (馬鞍山廣場)

營業中

休息中

成日行過呢間東海堂，都會有啲新鮮嘅蛋白撻出爐，今日又係啱啱見到佢出啦，即刻急不及待買一個蛋白撻試吓先。係蛋白撻隔離，仲見到一個北海道3.6牛乳芝士漢堡，從來都未食過呢一個芝士漢堡，決定買多一過嚟試吓。而呢一間東海堂，係仲有飲品買嘅，結果睇吓睇吓，再買一杯宇治抹茶3.6牛乳配紅豆試吓先。先講講個蛋白撻，據聞係用3.6牛乳溝埋蛋白整個蛋漿的，有好香濃嘅蛋味，而個餅底亦都係好鬆脆。跟住食個芝士漢堡，其實成個係一個凍嘅麵包，個樣脹卜卜幾得意，但個包其實味道偏譚，係食到中間嗰Pat 芝士，有啲鹹鹹地，芝士係好食嘅，亦都係成個包嘅靈魂。最後杯嘢飲，紅豆係好溶好沙嘅，唔會一粒粒好硬，配合埋綠茶嘅淡淡幽香，唔太甜，恰到好處。