影片
更多
2023-03-29
63 瀏覽
今日同妹妹黎左北角覓食，無意中發現小巷中呢間西餐廳，見到餐牌有個好抵食套餐就比佢吸引了！餐廳偏向優閒風，而且四周都放滿有關足球的佈置，睇得出老闆好鐘意足球！今次選左個期間限定的2人套餐，$398再加一就可以享用到餐湯餐包、2個主食同一個小食！超級抵食！法式龍蝦湯+自家製墨魚汁香草餐包餐湯入口有濃濃的龍蝦味，酸中帶甜，餐湯係好濃稠， 一d都唔水！而餐包好有驚喜，墨魚味唔會搶哂香草的味道，餐包好鬆軟，搭配龍蝦湯感覺都不錯！黄金炒薯條係我食過最好食的咸蛋黄炒薯條！薯條炸到金黄，外脆內軟，而且咸蛋黄超級多，係每一條薯條每一個位置都係包裹住咸蛋黄，味道超級香濃超級好食！雙重芝士辣肉腸pizza Pizza一上枱超級熱辣辣，仲要係好大個！pizza個底係墨魚汁製成，咬落去係好脆口，2種唔同芝士加埋辣肉腸，超級creamy惹味，同食落就知係即叫即整！美國極黑豬配黑松露意大利飯黑松露味好香濃，意大利飯唔會好硬口感細滑，美國極黑豬嫩滑多汁，同意大利飯好夾！伯爵茶朱古力蛋糕店長推介的一款蛋糕，甜度適中，伯爵茶味道剛入口唔會好出，但之後會慢慢係口中散發，而蛋糕質感似brownies，綿密creamy！
今日同妹妹黎左北角覓食，無意中發現小巷中呢間西餐廳，見到餐牌有個好抵食套餐就比佢吸引了！餐廳偏向優閒風，而且四周都放滿有關足球的佈置，睇得出老闆好鐘意足球！
今次選左個期間限定的2人套餐，$398再加一就可以享用到餐湯餐包、2個主食同一個小食！超級抵食！
法式龍蝦湯+自家製墨魚汁香草餐包
餐湯入口有濃濃的龍蝦味，酸中帶甜，餐湯係好濃稠， 一d都唔水！而餐包好有驚喜，墨魚味唔會搶哂香草的味道，餐包好鬆軟，搭配龍蝦湯感覺都不錯！
黄金炒薯條
係我食過最好食的咸蛋黄炒薯條！薯條炸到金黄，外脆內軟，而且咸蛋黄超級多，係每一條薯條每一個位置都係包裹住咸蛋黄，味道超級香濃超級好食！
雙重芝士辣肉腸pizza
Pizza一上枱超級熱辣辣，仲要係好大個！pizza個底係墨魚汁製成，咬落去係好脆口，2種唔同芝士加埋辣肉腸，超級creamy惹味，同食落就知係即叫即整！
美國極黑豬配黑松露意大利飯
黑松露味好香濃，意大利飯唔會好硬口感細滑，美國極黑豬嫩滑多汁，同意大利飯好夾！
伯爵茶朱古力蛋糕
店長推介的一款蛋糕，甜度適中，伯爵茶味道剛入口唔會好出，但之後會慢慢係口中散發，而蛋糕質感似brownies，綿密creamy！
張貼
