強記飯店 (已結業)

今日做一日乖孫，落咗北角探我嫲嫲，探之前先同咗老豆喺北角食返個早餐先。老豆帶咗我去食佢一直食開嘅茶餐廳：強記飯店。成間店大到呢…真係唔覺佢係一間普通茶餐廳…聽老豆講係開業咗好耐，佢年輕時已經有了。原來歷史悠久呀！叫嘢食先，我叫咗個沙嗲牛生菜通粉，熱華田。通粉唔係果種快熟粉，所以煮仍然比較硬身，冇快熟果種咁軟熟。老豆唔肚餓，就隨便叫咗個奶醬多嚟食，不過塊多士都真係烤得幾好，熱熱哋外皮脆脆哋唔錯，內餡應該係煉奶同花生醬。