影片
更多
2023-08-12
389 瀏覽
今日喺渣華道打完波，朋友就帶咗我去北角匯一間佢好鍾意嘅餐廳度食夜晚。🛎 橫膈肌 200g $178呢個係出去其他餐廳唔常見既部位，去到一啲比較講究嘅燒肉點先搵到，所以見到就諗都冇諗啲叫咗。店長都提醒我哋要同啲肉紋成垂直咁切，就唔驚會變到好韌～🥩呢個部位果然係名不虛傳，牛味濃郁之餘十分至柔軟，無論你係鍾意食生啲或者熟啲嘅朋友，都絕對唔可以錯過。本身牛扒嘅質素極高，店員只係簡單以黑椒同埋海鹽去調味🧂已經可以帶出滿滿嘅牛味。再加埋石板上嘅蔬菜同大蒜，就算要我食三碗飯都可以！😜🛎 黑豚豬扒 200g $118我以為係牛扒先咁出色嘅時候，我朋友點嘅黑豚豬扒套餐亦都帶嚟咗一個驚喜。店家使用嘅黑豚豬扒肉質十分爽嫩，亦都冇太多多餘嘅脂肪要切除。肉扒好厚，大大份亦都係啖啖肉。因為佢係黑豚豬嘅關係，無需要煎到全熟，慢慢咁煎到粉紅色亦都可以🐖，令到我哋可以品嘗到更加鮮嫩嘅肉質同肉汁💦。對於唔食牛嘅朋友嚟講，都係一個十分好嘅選擇。🛎 跟餐 椰菜沙律 汽水 白飯 麵豉湯跟餐嘅配菜都比較清淡，不過正好可以喺飯前飯後再來比較清淡嘅配搭。大熱天時配上一杯清涼嘅汽水🥤亦都令人感覺清新。🌐 環境/服務餐廳位於地庫一田超市
🛎 橫膈肌 200g $178
呢個係出去其他餐廳唔常見既部位，去到一啲比較講究嘅燒肉點先搵到，所以見到就諗都冇諗啲叫咗。店長都提醒我哋要同啲肉紋成垂直咁切，就唔驚會變到好韌～🥩
呢個部位果然係名不虛傳，牛味濃郁之餘十分至柔軟，無論你係鍾意食生啲或者熟啲嘅朋友，都絕對唔可以錯過。本身牛扒嘅質素極高，店員只係簡單以黑椒同埋海鹽去調味🧂已經可以帶出滿滿嘅牛味。再加埋石板上嘅蔬菜同大蒜，就算要我食三碗飯都可以！😜
🛎 黑豚豬扒 200g $118
我以為係牛扒先咁出色嘅時候，我朋友點嘅黑豚豬扒套餐亦都帶嚟咗一個驚喜。店家使用嘅黑豚豬扒肉質十分爽嫩，亦都冇太多多餘嘅脂肪要切除。肉扒好厚，大大份亦都係啖啖肉。因為佢係黑豚豬嘅關係，無需要煎到全熟，慢慢咁煎到粉紅色亦都可以🐖，令到我哋可以品嘗到更加鮮嫩嘅肉質同肉汁💦。對於唔食牛嘅朋友嚟講，都係一個十分好嘅選擇。
🛎 跟餐 椰菜沙律 汽水 白飯 麵豉湯跟餐嘅配菜都比較清淡，不過正好可以喺飯前飯後再來比較清淡嘅配搭。大熱天時配上一杯清涼嘅汽水🥤亦都令人感覺清新。
🌐 環境/服務
餐廳位於地庫一田超市內。一到步店員就好熱情咁安排入座，店員對於肉類嘅知識都十分之高，會主動教導食客應該點樣去品嚐料理。用餐後亦都會主動問下食客食物質素如何，同埋推薦一啲肉類畀顧客下一次幫襯。用餐過程都見到佢同好多街坊有講有笑，相信你間餐廳都係區內小有名氣，得到唔少街坊嘅支持。
張貼
