富怡粉麵專家

營業中

休息中

工作關係剛好到北角食晏，熱熱地不如食碗粉，咁多款式應該不錯！北角地鐵站（B1或B4都可以）一出嚟行幾步就到好就腳👍🏼疫情關係連粉麵店都乖乖守規矩，食客之間保持距離，舖頭姐姐超有禮貌同我同事量體溫，食食下大家嗲兩句都幾放鬆啊！☺️今時今日體溫計、酒精搓手液同「溫暖的人情味」真係唔少得！人情味小店就係有商有量💞原本個餐只有牛腩豬手，但我心血來潮想食牛筋牛肚，姐姐話加啲錢都可以做到（希望佢無好覺得我好麻煩啦哈哈），重點係個面十分但我唔會夾口，亦無鹼水味，豬手非常入味軟糯，牛腩都係入口即溶，果然係鎮店菜式！到咗牆上推介炸鯪魚球（$30）一共6粒，還不錯吧！可以炸得更脆身。同事就食墨魚頭雲吞米粉。份量好足，搭埋墨魚鬚同嘴，雲吞好足料（見下圖）鮮蝦好大隻！墨魚食得出好彈牙，正！炸魚皮，厚薄均勻無「油益」味，香港買少見少了。好驚訝連羊腩煲都有哈哈！不過太飽了，好像下次黎試下個羊腩粉。其實香港真係仲有好多小店值得幫襯，唔好理咩顏色，大家環環相扣，自己經濟自己救，希望大家都健健康康，百業興旺啦。