影片
更多
2018-08-12
73 瀏覽
今次黎到位於北角既小城鎮度食西式晚餐，餐廳既位置都算方便，係北角地鐵站行10分鐘就到。佢係係明園西街既其中一條小巷入面，我同朋友行左兩次先搵到，各位要眼利少少先會睇到。餐廳既裝修以懷舊歐陸風為主，牆身既磚頭同埋天花吊落黎既電燈泡都好貼切。木枱貼配搭上鐵椅，以至佢既擺設都好復古，睇得出老闆有用心佈置餐廳。我尤其鐘意牆上面既道路鐵牌同埋有餐廳名既霓虹燈燈箱，係餐廳既打卡位。好欣賞既係老闆同員工既態度都好好，員工好細心，而老闆就每一枱客人都親自打招呼，真係要俾個like!招牌豬肋骨配炸薯角第一樣叫既主食係招牌豬肋骨配炸薯角，不得不提既係小城鎮既main course每一樣個份量都好大，大部分女生應該食唔哂一個主食。依個招牌肋骨一黎到個陣有少少失望，因為個買相比較乾。但係切開食落發現原來啲肉汗鎖哂係啲肉同骨之間。火喉控制方面都唔錯，切既時候都唔會好辛苦，好易就將骨肉分開。係肋骨上面既BBQ醬惹味得黎又好香，聞得出係用唔同香料烹調而成。炸薯角雖然聽落無咩特別，但餐廳將佢炸到好鬆化，落既調味亦唔會太重，食得出佢原本既薯味。10oz安格斯肉眼扒配薯條（黑椒汁 5成熟）另外我地都叫左10oz安格斯肉眼
招牌豬肋骨配炸薯角
第一樣叫既主食係招牌豬肋骨配炸薯角，不得不提既係小城鎮既main course每一樣個份量都好大，大部分女生應該食唔哂一個主食。依個招牌肋骨一黎到個陣有少少失望，因為個買相比較乾。但係切開食落發現原來啲肉汗鎖哂係啲肉同骨之間。火喉控制方面都唔錯，切既時候都唔會好辛苦，好易就將骨肉分開。係肋骨上面既BBQ醬惹味得黎又好香，聞得出係用唔同香料烹調而成。炸薯角雖然聽落無咩特別，但餐廳將佢炸到好鬆化，落既調味亦唔會太重，食得出佢原本既薯味。
10oz安格斯肉眼扒配薯條（黑椒汁 5成熟）
另外我地都叫左10oz安格斯肉眼扒配薯條，同上面一樣，塊牛排份量都係好足，係真係10安士。我地叫左五成熟，牛排既火喉控制唔錯，牛排本身未落黑椒汁己經好juicy，一切既時候d肉汁留哂出黎。食落塊牛排好淋好鬆軟，加上用左鹽同黑椒調味，未落黑椒汁個味道已經好豐富。之後再試埋黑椒汁，又係另一種體驗。同樣都係用左香料炮製，加上黑椒既辣味真係令人回味。可惜既係配菜薯條又唔脆味道又無咩驚喜，係扣左少少分。整體黎講個牛排都係好有驚喜，絕對值得一試！
+$18超值升級
是日餐湯
蘋果汁
特濃朱古力（冷飲）
另外我地加左$18蚊升級左餐湯同埋兩杯飲品。餐湯係南瓜濃湯配蒜蓉包，飲品我地叫左蘋果汁同特濃朱古力。南瓜濃湯加上蘿蔔粒口味清新，南瓜味好夠濃，沾埋個蒜蓉包一齊食都好夾。雖然蒜蓉包烤得太耐有少少黑色破壞左賣相，但味道依然好好。蘋果汁中規中矩，特濃朱古力上面加左cream,令到口感更滑順，加上朱古力唔係太甜，非常值得升級套餐試一試。
白酒忌廉燴青口
最後就係白酒忌廉燴青口，道菜一黎既時間已經覺得好香，聞到白酒加埋忌廉既香味好濃烈。青口加埋忌廉同黑椒，仲有青紅椒襯托，賣相唔錯。雖然唔係新鮮青口，少左陣鮮味，但係勝在忌廉夠濃郁，加埋黑椒既少量辣味有畫龍點精既作用。雖然依道青口唔係主食，但份量一樣咁多。
張貼
