上海小聚 (已結業)

朋友遲到，只好搵間野食住等啦。平日兩點幾入座，都有幾台客，相信都食得下既。等人谷鬼氣，叫左涼拌既爽爽佢，日式北海道帶子和風芥末汁配稻庭烏冬套餐。相入面有日式湯品，但現實得蔥花豬骨湯，係上海麵鋪有日式野食算係咁啦，而且湯底幾香。小食擇左陳醋雲耳略為唔夠味，不過不失吧。帶子唔係好大粒，反而配菜好多，醬汁都幾好味，算對得住個價錢。食左幾啖朋友都到左，嗌左個招牌韭菜鮮肉餃子套餐。比我搶左粒餃同甜品黎食😜餃子肉碎唔多口感有渣，但皮同湯底救返，不過不失啦。甜品芝麻湯丸反而有驚喜，如果可以單點一份黎食就好啦。總括OK既，下次經過會再幫襯撈烏冬～