大澳德發 (已結業)

大澳德發其實已經成為公司不少同事嘅「飯堂」，無論早午晚餐都有水準，尤其愛佢地嘅小菜同蒸海鮮❤️，最近見到佢地有新春盆菜訂，二話不說就訂咗一個六人份屋企團年飯用。大澳德發因爲真係有大澳漁村背景，菜式帶有漁村風味，連盆菜都唔例外。有成條魚嘅盆菜真係第一次食，呢條咸鮮馬友唔會太咸，又唔腥，有驚喜。除此之外，仲有大大大粒彈牙魚旦以698嘅價錢，我覺得呢個盆菜性價比高，而且有特色。味道仲唔會好似其他連鎖店嘅盆菜咁千篇一律都係南乳味。報告完畢，下次再有新嘢會繼續試😬