影片
更多
2021-06-30
1003 瀏覽
今日喺北角上堂，放學過咗去「一田」逛下，行完就順手去附近買個飯返屋企食。喺商場正門旁邊見到有間台式餐廳，睇咗門口餐牌，食物選項都幾豐富，有牛肉湯麵、台式便當、乾拌麵、湯品、麵線、台式小吃、甜點，見啲午餐同下午茶餐都幾啱我心水，一於試下。點咗個好康午餐：醬油豬軟骨滷肉便當 ($65)、下午時光：牛肉香蔥手抓捲餅 ($40) 同 台式小香腸 ($15)，外賣每個套餐加 $2、小吃每盒加 $2。一向都好鍾意食豬軟骨，貪佢軟腍又夠入味，呢度亦做得很有水準，入口脆而不硬，夠鬆化又唔油膩。滷肉味道亦唔錯，鹹甜有序，配埋隻滷蛋，口感豐富，下飯一流！另外個牛肉香蔥手抓捲餅亦頗有驚喜，雖然拎到返屋企先至食，但係外層嘅餅皮仍然酥香脆口，而且入面嘅餡料都幾飽滿，除咗椰菜、香蔥外，還有大大塊已切片嘅牛腱肉，滋味滿足。小香腸的的骰骰，外皮好脆，而且肉味非常香濃，入口帶點甜味。兩個餐都免費跟熱飲一杯，點咗台式奶茶同杏仁茶，奶茶質感好滑溜，茶味濃、奶味香；杏仁茶不過甜，而且飲落有好重杏仁味，也不俗。
喺商場正門旁邊見到有間台式餐廳，睇咗門口餐牌，食物選項都幾豐富，有牛肉湯麵、台式便當、乾拌麵、湯品、麵線、台式小吃、甜點，見啲午餐同下午茶餐都幾啱我心水，一於試下。
點咗個好康午餐：醬油豬軟骨滷肉便當 ($65)、下午時光：牛肉香蔥手抓捲餅 ($40) 同 台式小香腸 ($15)，外賣每個套餐加 $2、小吃每盒加 $2。
一向都好鍾意食豬軟骨，貪佢軟腍又夠入味，呢度亦做得很有水準，入口脆而不硬，夠鬆化又唔油膩。滷肉味道亦唔錯，鹹甜有序，配埋隻滷蛋，口感豐富，下飯一流！
另外個牛肉香蔥手抓捲餅亦頗有驚喜，雖然拎到返屋企先至食，但係外層嘅餅皮仍然酥香脆口，而且入面嘅餡料都幾飽滿，除咗椰菜、香蔥外，還有大大塊已切片嘅牛腱肉，滋味滿足。
小香腸的的骰骰，外皮好脆，而且肉味非常香濃，入口帶點甜味。
兩個餐都免費跟熱飲一杯，點咗台式奶茶同杏仁茶，奶茶質感好滑溜，茶味濃、奶味香；杏仁茶不過甜，而且飲落有好重杏仁味，也不俗。
張貼
