新釗記 (已結業)

上次食咗滑蛋叉燒飯，俾同事話我竟然無食佢個焗豬，今次再嚟食一於嗌返個焗豬扒飯。個飯跟一杯熱飲，湯就唔要喇，避開高鹽分攝取。賣相同一般快餐店差唔多，汁面有少少焦，真係焗爐岩岩攞出嚟咁熱。飯係蛋炒飯底，軟硬適中而乾爽，加埋少少酸既茄汁容易入口。豬扒唔算厚，肉質軟身易咬，味道可以。豬扒份量唔算多，岩我唔想食太飽既人，炒飯就岩岩好食得哂。整體黎講，焗飯之中算唔會太油，食完唔會成個底係油，味道幾好，份量唔會太飽，42蚊真係幾抵，岩哂打工仔黎，同事無介紹錯！