影片
更多
2024-01-02
88 瀏覽
我哋夜晚去左北角嘅一間台灣餐廳「鐵花村」，餐廳嘅環境佈置好精美，天花板上掛滿咗天燈，牆上都貼滿好多明信片，連員工都係台灣人，真係有種身在台灣嘅感覺。服務態度非常好，餐廳嘅員工友善有禮，笑容滿面。上菜速度亦都好快，食物剛上枱嘅時候都熱辣辣嘅，真係令人開心。我哋首先叫咗蕃茄紅燒牛肉麵（$69），蕃茄湯好甜唔會用味精，麵條又有彈性，用左入口既急凍麵而唔係乾麵，牛肉亦都好嫩好冧，真係大推薦，一定要試。鹽水雞（$40）味道好正，雞肉嫩滑，仲有好多款配菜，唔會覺得膩。綜合煎（$48）係台灣嘅傳統蚵仔煎嘅升級版，入面唔單止有新鮮嘅蚵仔，仲有大隻鮮蝦，口感豐富，汁水多多，表面又脆又好食。不過最令我期待嘅係肉鬆起司蛋餅（$36），蛋餅皮彈牙，芝士同肉鬆餡料多多，絕對係必點之選！飲品方面，我哋叫咗芝士奶蓋鳳梨紅茶（$30）同蜜鮮檸烏龍茶（$26）。兩杯飲品都好清新，而且好大杯，仲可以自己選甜度同冰塊，真係貼心。上面仲有蝶豆花做點綴，打卡都一流。如果你想食正宗嘅台灣菜，呢度絕對係一個好選擇！
服務態度非常好，餐廳嘅員工友善有禮，笑容滿面。上菜速度亦都好快，食物剛上枱嘅時候都熱辣辣嘅，真係令人開心。
我哋首先叫咗蕃茄紅燒牛肉麵（$69），蕃茄湯好甜唔會用味精，麵條又有彈性，用左入口既急凍麵而唔係乾麵，牛肉亦都好嫩好冧，真係大推薦，一定要試。鹽水雞（$40）味道好正，雞肉嫩滑，仲有好多款配菜，唔會覺得膩。
綜合煎（$48）係台灣嘅傳統蚵仔煎嘅升級版，入面唔單止有新鮮嘅蚵仔，仲有大隻鮮蝦，口感豐富，汁水多多，表面又脆又好食。不過最令我期待嘅係肉鬆起司蛋餅（$36），蛋餅皮彈牙，芝士同肉鬆餡料多多，絕對係必點之選！
飲品方面，我哋叫咗芝士奶蓋鳳梨紅茶（$30）同蜜鮮檸烏龍茶（$26）。兩杯飲品都好清新，而且好大杯，仲可以自己選甜度同冰塊，真係貼心。上面仲有蝶豆花做點綴，打卡都一流。
如果你想食正宗嘅台灣菜，呢度絕對係一個好選擇！
張貼
