閨•家 (寶榮大廈) (已結業)

睇完late show，係平板螢光幕都感受到餐廳的熱誠，媽媽的豐富煮食經驗，囝囝的食物執著，囡囡的飲食要求。因此，決定搵日幫親下！我住九龍的，唯有早點去買外賣回家食！5點鐘到達，點知職員已説：冇豬扒冇豬手冇雞冇老火湯！煲緊要6:30先有！仲要話，老火湯是送的，不會補任何嘢給你！心諗，唔係呀嘛！已經唔係太想食，但我又山長水遠坐車專登嚟，就買個飯食下！再細心諗諗，杜先生的威力好驚人，可以令此店起死回生！勁！咖哩牛腩飯可自選辣度，我要咗中辣，真心味道唔錯，咖哩係港式咖哩味，味道帶濃，以港式手法來説，真是高手！當然唔可以同巴基斯坦咖哩來比拼啦！豬軟骨飯豬軟骨好淋，肉質好軟，好有肥膏嘅口感！味道非常不錯，肉好入味。今次唯一的失望是不能品嘗其冇味精老火湯，希望下次能買到啦。