Cakebearbear (已結業)

喺網上見到有好可愛嘅熊啤啤主題餐廳就過嚟同朋友一齊打卡啦！價錢都非常合理，午市套餐$100都唔使！除咗有靚裝修，同埋可愛嘅熊公仔，連所有餐具都係用高級貨！整個用餐體驗非常精緻！高度推薦呢個明太子大蝦意粉！因為個意粉醬係粉紅色㗎 ！好浪漫呀！大蝦咬落好新鮮而且煎香左！個薯蓉非常好食！好Creamy應該加咗少少芝士！牛扒生熟度剛剛好，而且好厚身，份量有成10安士，份量十足！主角出嚟啦，係熊仔蛋糕啊！可以攬住熊公仔食熊仔蛋糕真係少女心滿滿！如果想試熊熊蛋糕都只係加$50 ！熊熊蛋糕係芝士蛋糕嚟嘅造型非常可愛，睇見都唔捨得食呀！原來食完嘢仲可以儲印花換好可愛嘅熊公仔！而家開始食，儲到情人節就可以做禮物送俾女朋友啦！