奇興咖啡餅店

營業中

休息中

本身同同事O係附近食米線, 但兩間都好鬼多人..所以轉左去食呢間茶記.Menu有分星期幾有唔同既選擇, 都叫有得揀.干炒牛河炒得幾乾身, 都唔算太多油.而且D牛肉都算多同都幾夠味.黑椒雞扒配意粉味道正正常常. 雞扒有兩大塊, 都係飽肚之選.個黑椒汁都幾惹味~平時經過見到佢D麵包同蛋撻都想試下,今次就一人叫隻蛋撻食~我同同事都比較鐘情牛油皮蛋撻.個蛋撻冇想像中咁好食, 拎上手好淋咁, 冇牛油皮既鬆化既感覺.