十二味不只是烤魚 (已結業)

久不久就會想食烤魚，今晚我同男朋友去返我們岩岩拍拖果時食果間烤魚 - 十二味不只是烤魚！對上個次去排哂隊，今次去就4成full。川式口水雞份量以$68來講都算多，個汁真係好惹味，而且雞肉肉質又好嫩滑，我同男朋友都食到lam lam脷！推介！！！烤清江魚揀左清江魚配招牌香辣味，我地本身都食得辣，所以呢個唔算太辣。條魚細心地一開兩邊，一來魚肉會易d吸收個湯底，二來客人都易夾泥食。條魚都幾大條，魚質都算嫩，對得起價錢。另外，可以加錢揀其他餸菜放落烤魚到一齊煮。皇帝菜份量比較少，不過出街食飯就係咁，點菜食一向都唔抵食，但一餐飯冇菜又好似差d野咁。鵝腸要讚讚鵝腸洗得乾淨，冇乜肥膏，焯一焯就食得，好爽口。萵荀煮完之後都keep住咁甜，烤魚同萵筍真係好match。