蛇王恩 (已結業)

見早排凍凍地，所以約埋幾個『蛇友』去食蛇羹。其實我好耐好耐都冇食過蛇羹咖喇，所以都唔係太記得啲味道係點咯。『蛇友』們個個都叫咗碗中size蛇羹再加一個糯米飯嚟食。蛇羹一到，我就覺得同以前有啲唔同，或者係每一間嘅做法唔同啦。記得以前食嘅，係冇檸檬葉絲咖。不過唔緊要啦，試咗再講。碗蛇羹就真係好足料，但係同我以前食過嘅蛇羹比較，呢度就『水』咗啲喇，一啲都唔冇『羹』嘅效果囉。同埋略微腥咗少少。糯米飯就麻麻地喇，可能蒸得太耐，所以好『淋』呀。總抬嚟講，佢地用料真係好足，但好可惜，可能同我兒時食過有幾大出入啦，所以唔會令我會再去食囉。