Our Little Dream (已結業)

今次又去咗將軍澳Donki附近嘅餐廳食嘢，呢間our little dream係一對90後嘅夫妻經營，佢哋兩個小朋友都喺舖頭入面玩，感覺幾溫暖，同時廳亦都有格調，食物質素頗高。今日叫咗lunch set嘅自家煙燻豬腩片卡邦尼，套餐有沙律，沙律完全唔求其，係用幼苗版嘅羅馬生菜，再加左啲焦糖合桃，酸酸甜甜。呢個意粉賣相一流，上面有好多芝士碎，攪拌左之後成個意粉好creamy，每啖都有芝士嘅奶香味，再加上好有口感嘅煙燻豬腩同埋蘑菇，係一個好高質嘅卡邦尼意粉，食得好滿足。飲品方面叫咗Banana oats smoothie，食午市套餐只需要加25就飲到，質感濃厚，除咗有燕麥之外亦都加咗啲提子乾一齊打，個smoothie好厚身又清甜。再叫咗個蛋糕，蛋糕份量一個人食啱啱好，味道適中，唔會太多cream令到人食到好膩，蛋糕中間亦有一啲紅桑子藍莓等等。