Star Kitchen (已結業)

好少係葵芳食晚飯，加上呢間餐廳位置唔算易搵，開頭入黎就係得我地一台客，心諗係米太偏所以少人？但慢慢就爆場！係越夜越多人黎食。一坐低，就介紹左當日既生蠔同like & share有小食送。除左menu，餐廳牆上既畫都係人畫。首先黎個生蠔set當日食既係法國生蠔，好肥美大隻，食落亦都好爽口加上佢配既生蠔醬唔似出面食既味道，好特別。忌廉煙三文魚意粉拼香煎大蝦一黎就聞到好香，雖然得三文魚同菇但好足料，2種料都唔會好少。什菌風乾黑毛豬巴馬火腿pizza 事先已經切好比我地，每一塊size適中，多芝士。pizza 皮唔厚，有少少似餅乾底，個邊邊好脆 鵝肝多士多士切落超級脆，睇到鵝肝既油脂好豐富從來唔食肝臟既我都覺得入到口，咬到同吞到，之前試過既都覺得口感同味道好怪，但呢隻岩岩相反。另外值得一提既係服務一流，態度好好，有咩問題或者需要幫忙都好樂意幫。朋友跌左叉，唔洗嗌聽到即刻拎過新既黎。