影片
更多
2018-02-11
11744 瀏覽
無肉食，但有好多瓜菜豆腐食！細妹邀請咗我好耐，今日終於答應去一次！我哋同Joey妹一行三人下午1：15到達，因細妹事前已book枱，一去到即刻有位，被帶去一張五人枱！細妹暗喜有多啲空間，我就話等陣實有人搭枱，佢話唔會！點知我哋三個拎哂嘢食，食咗第一啖時，一個疑似老闆娘走埋嚟要我哋換位！嗰刻有啲唔高興，但亦體諒佢哋想做多啲生意，所以我哋合作！不過，孭住袋之餘，又要拎住杯、碟、羮同筷子(當時我哋已斟咗檸檬水同夾滿嘢食)，喺人群中行去另一邊翼最尾嗰張枱真係好論盡！細妹叫我出去夾嘢食先，我就手機先食！出到去，因太多客，眼見四五碟熱盤都冇哂咁滯，我勉強夾埋剩返嗰少少，點知一分鐘後就有人refill, 仲推出咗我最喜歡嘅豆腐，即時剷咗一舊！真幸運！同樣係素食自助餐，但呢度啲款式同Red Mango完全唔同！呢度比較家常小菜feel, 好多瓜菜豆芽豆腐冬菇，而Red Mango啲食物就比較精緻同花巧！呢度客人多、refill快、食物味道唔錯，唔算太油膩，不過就冇得食素鴨、素肉(大豆纖維)嗰啲，全部都係天然蔬果類。菜方面都好多選擇，我食咗娃娃菜、芥蘭、菜心、白菜仔、菜心、疑似唐蒿等，全部新鮮爽脆翠綠冇
我哋同Joey妹一行三人下午1：15到達，因細妹事前已book枱，一去到即刻有位，被帶去一張五人枱！
細妹暗喜有多啲空間，我就話等陣實有人搭枱，佢話唔會！點知我哋三個拎哂嘢食，食咗第一啖時，一個疑似老闆娘走埋嚟要我哋換位！嗰刻有啲唔高興，但亦體諒佢哋想做多啲生意，所以我哋合作！不過，孭住袋之餘，又要拎住杯、碟、羮同筷子(當時我哋已斟咗檸檬水同夾滿嘢食)，喺人群中行去另一邊翼最尾嗰張枱真係好論盡！
細妹叫我出去夾嘢食先，我就手機先食！出到去，因太多客，眼見四五碟熱盤都冇哂咁滯，我勉強夾埋剩返嗰少少，點知一分鐘後就有人refill, 仲推出咗我最喜歡嘅豆腐，即時剷咗一舊！真幸運！
同樣係素食自助餐，但呢度啲款式同Red Mango完全唔同！呢度比較家常小菜feel, 好多瓜菜豆芽豆腐冬菇，而Red Mango啲食物就比較精緻同花巧！
呢度客人多、refill快、食物味道唔錯，唔算太油膩，不過就冇得食素鴨、素肉(大豆纖維)嗰啲，全部都係天然蔬果類。
菜方面都好多選擇，我食咗娃娃菜、芥蘭、菜心、白菜仔、菜心、疑似唐蒿等，全部新鮮爽脆翠綠冇渣；熱豆腐同凍豆腐都有食，好滑漏，I like it！雖然冇素鴨，但夾到幾粒素雞，點茄汁食好好味！炒麵炒烏冬味道就普通，炒麵有啲黏！最難食係片紅菜頭，我夾咗一小片，又酸又難聞，但我都吞咗！細妹分咗粒素蛋糕俾我，香蕉蛋糕、唔多甜，幾好，聽細妹講購自一間叫「花花」嘅餅店！現場好多炸物，但我一件都冇夾，因為我唔鍾意食炸嘢！甜品方面有我最喜歡嘅紅豆沙，真好！我食咗三輪，已經飽到上心口，之後出爐嘅西蘭花已經食唔落，真可惜！全程飲咗兩杯檸檬水，加兩粒代糖，perfect！
今日星期日，每位收費$78，自己食完自己收碟！衷心多謝細妹，幫呢個阿肥家姐增肥！
最後讚一讚，茄汁一大支自由吱，我食咗差唔多十二份之一支，好大方！好暢快！好美味！
張貼
