漁港薈 (已結業)

喺Youtube發現到呢間十分高質嘅火鍋放題，絕對係超值抵食啊！一揀好湯底店員姐姐就即刻上咗個超級巨型嘅海鮮盤，入面有龍蝦（上檯嘅時候個龍蝦頭上面啲觸鬚仲係郁㗎，勁新鮮）、蟶子王、超巨型桶蠔、鮑魚、海蝦串、鱔片、龍躉片同埋沙白！當中嘅海蝦串、鱔片、龍躉片同埋沙白都係可以無限量任食，好吸引！成個海鮮盤都好新鮮，而且處理得好乾淨，食晒個海鮮盤都已經好滿足肉類主打係澳洲M5和牛同埋西班牙黑毛豬肉片，絕對誠意十足飲品方面，除咗汽水、罐裝飲品，呢度仲有啤酒、紅白酒任飲，絕對係贏晒！店員態度親切有禮，絕對係一次愉快嘅用餐體驗