神木日本料理 (已結業)

今日黎到觀塘APM附近覓食，估唔到工廈入面都有一間裝地方寛燉敝，裝修別致既日本餐廳。😊😊神木日本料理裝修好有心思，有好幾幅唔同既日本畫作做裝飾，仲有好多唔同既日本元素架。😝😝呢排實咗熱咗好多，我地一坐低就叫咗兩杯野飲。一杯係藍柑乳酸梳打，另一杯係桃園柚子梳打，前都肥酸味突出，後者以清新為主，兩杯都酸酸甜甜，好refreshing。😊😊第一樣上枱既係牛肉他他，牛仔五成熟，主要燒香外皮位置，中間肉質保持粉嫩。牛肉下面鋪滿咗紫洋蔥，略帶辛辣，令味道口感更豐富。中間既生蛋，令牛肉更滑更香，十分唔錯。💕💕之後黎既係特上刺身(6點盛)。每款刺身都有兩片，厚度適中，我自己就最鐘意油甘魚同火炙左口魚邊，油甘魚鮮甜，魚油香氣重。火炙左口魚邊入口有溶化感，經過火燒既魚油香更濃郁。😆😆之後輪到熱食，鍋燒烏冬份量十足，烏冬帶咬勁，加上天婦羅蝦，雞脾肉，以為蟹棒等等既配料，好食又飽肚。另一款係雞味盛，串燒外皮焦香，尤其係雞軟骨，免治雞肉棒同埋雞腎，輕輕用鹽燒已經好好食，加埋串燒翠肉瓜同車喱茄，有啲蔬菜食下，平衡返個油膩感。😆😆